بدايتا كنه ننتظر هالاستجواب من اول مافاز محمد الجويهل بالأنتخابات وهل راح يوفي بوعوده ولا لأ , طبعا اول مافاز كل الانظار على لجويهل محبينه وكارهينه بنفس الوقت شبيسوي وشبيقول , بدايات تصريحاته الصحفيه كانت نوعاما متناقضه وكلامه بوقت الجلسات غريب طبعا خيب الامال وقلنه ان ضعف وصار خواف , لين ما يا وقت تصريحه المفاجئ ان بيستجوب وزير الداخليه وسبوعين تقريبا وهو ماغير تصريحات عن استجوابه لوزير الداخليه وكلنا ناطرين هالأستجواب على نار.
تحليلي الشخصي للأستجواب:
- ماكنت اتمنى محمد الجويهل يحط لوحة مكتوب عليها الكويت فقط للكويتيين لعدة اسباب السبب الاول ان لكويت لكل شخص عايش على ترابها ويحبها يصير واحد منه وفينا والسبب الثاني استجوابك مستفز من قبل الطرف الاخر وقضيتك عادله فماله داعي اخلق مشكله.
- كنت اتمنى يالجويهل تعرض الجناسي لعراقيه والسعوديه والارانيه مع كل الاحترام والتقدير مثل ماعرضت الامريكيه ومع هاذه احييك على جرئتك في عرضك للنائب تحت مسمى (( نائب يحمي اموال الشعب وسلفي )) لكن نلاقي تصرفاته العكس وبنفس الوقت تصريحك لأخ النائب علي الدقباسي.
- نيي للجانب الاخر او نقول الاغلبيه المعارضه للأستجواب مع الاسف لاذوق ولا احترام صراخ يعني سمعوا الريال وبعدها لكم حرية الرد , ليش اللافته استفزتكم ودي اعرف يعني ؟ , ليش منتوا كويتيين ولا شاكين بروحكم ؟ يعني انتوا بصراحه موبس متناقضين ماترضون احد يقولكم اي كلمه اطلعون امة محمد تاخذ حقكم جنه مافي قانون بس انتوا تغلطون على الناس عادي عندكم.
- رد نواب المعارضه على استجواب محمد الجويهل ماله علاقة بالاستجواب نهائيا بل كانت بكل وقاحه قاعدين تنشرون اموره الشخصيه ونصكم من تحت بند "الاسلاميين" حسستوني انكم كلكم مشالله ملفكم نظيف بكل اختصار ماعندكم اي رد على استجوابه.
- مداخلة النائب علي الراشد كانت جدا راقيه لكن ماسلم منهم مادري شلون هذيل دينيين:
- مداخلة الوزير المستجوب الشيخ احمد الحمود الصباح كانت جدا جميله واذا فعلا الكلام الي يقوله يطبقه فنقوله يعطيك الصحه والعافيه والله يوفقك يارب:
بالنهاية الي حابه اقوله ان محاورك للأستجواب يامحمد الجويهل تعتبر نوعاما ضعيفه وكنه متوقعين اكبر واقوى من هالشي لكن نشكرك شكر كبير انك عرضت قضيه عادله ومن حقنا ككويتيين نعرف الي لنا ولي علينا.
No comments:
Post a Comment