المسلسل المبدع "ساهر الليل 3" صارت انتقادات على الفنانين وعلى المخرج بأنهم غير كويتين ويتكلمون بأسم لكويت.
اولا: يعطيهم العافيه على هالمسلسل الي فعلا هزنا ورجعنا 22 سنه وعيشنا ايام انا عن نفسي ماعشتها لأني كنت صغيره وماذكر.
ثانيا: الكاتب كويتي الجنسيه "فهد عليوه" والمخرج سعودي الجنسيه وعايش بالكويت ومتقن اللهجه لكويتيه "دحام الشمري" اقولهم تسلم ايدكم يارب.
ثالثا: الفنانين الغير لكويتيين الي بدعوا في هالمسلسل خطوه بخطوه وكأنهم عاشوا في ذيج الفتره وبالعكس ماحسسونا انهم غير كويتيين وجايدين للهجه لكويتيه لأنهم عايشين بينه وبوصطنا.
للمنتقدين للفنانين الغير لكويتيين اقولهم ليش مايمثلونا بلا موعايشين ويانه وبعضهم امهاتهم كويتيات امثال الفنانه (( هيا عبدالسلام & لمياء طارق )) امهاتهم كويتيات يمكن لو موعيشتهم او ظروفهم جان ماصاروا فنانات , وبعدين نيي لفنانه القديره والكبيره الي ان شالله بالمستقبل تكون خليفه للفنانتين "حياة الفهد & سعاد عبدالله" سوت الي محد قدر يسوي كفايه اغلب الشعب لكويتي تربى على فنها الي قدمته للطفل لكويتي موشويه ابي احد يطلع ويقول في فنان كويتي او كويتيه طلعوا وقدموا شي للطفل يعتبر تربوي كفايه دموعها بعد الغزو علشان انحرمت من لكويت , نيي حق الفنانه باسمه حماده اهيه فلسطينية الاصل صح لكن مجنسه على زوجها كويتي يعني صارت كويتيه يعني الي يعيبها يعيبنا شنو الي مزعلكم الحين مو انتوا يالكويتين تروحون تتزوجون من برا.
وبعدين اقول حق البعض من لكويتيين الي موعاجبه المسلسل لايشوفه مشكلتكم اجوفونه وتحلطمون من بلش المسلسل وانتوا ماخليتوا شي ماقلتوه بسم الله تونا رابع رمضان.
نقولكم يافنانينه لكم الحشيمه والكرامه وهذيله فئه شايفه روحها بالكويت
No comments:
Post a Comment